A actividade, organizada pola Concellería de Serivzos Sociais, está impartida pola Asociación Xoeira, e persegue facilitar a conciliación da vida laboral e familiar nestas datas de vacacións para os cativos así como educar en igualdade aos participantes.
En total son 60 as prazas ofertadas -hai tan só dúas vacantes- e están orientadas a nenos e nenas de idades comprendidas entre os 4 e os 14 anos. Os obradoiros desenvolverante en horario de mañá dende hoxe ata o mércores e o vindeiro luns día 9. Os máis cativos son os máis participativos, segundo nos contaba unha das monitoras, Mirian Lamas, quen explicaba ademais que os xardíns de Posadouro e o propio Pazo son lugares idóneos para desenvolver actividades ao aire libre. Os nenos centrarán estas xornadas en diferentes obradoiros onde se traballará o respecto ao medio ambiente, con talleres de reciclaxe con material de refugallo, así como actividades de fomento da igualdade.
Os nenos participan de diferentes obradoiros
