As celebración prolongaranse durante toda a fin de semana e ademais dos actos relixiosos inclúen as tradicionais verbenas e a celebración dun serán no que poden participar todos os grupos de gaitas e pandeiretas que o desexen. A Comisión de Festas conta coa colaboración da Asociación Cultural Santa María do Viso e o Bingo de Saramagoso.
As festas na honra de San Antonio arrancan na noite do venres cunha verbena amenizada polos grupos Acirema e Alvein. Xa o sábado os pasarrúas a cargo do grupo de gaitas Chimpa na palla poranlle música á parroquia a partir das 17:00 horas e pola noite a verbena contará coa música das orquestras CiudadCristal e Solamérica.
O domingo as actividades arrancarán xa pola mañá con pasarrúas as 10:00 a cargo da Banda de música de Redondela. As doce do mediodía terá lugar a misa cantada a cargo da Coral Airiños da Peneda e a continuación a procesión.
A partir das cinco da tarde no torreiro da festa actuarán os grupos de baile galego de Saxamonde e Anaquiños de Chapela e os gaiteiros e pandereteiras Froles Mareliñas.
A continuación celebrarase un serán no que poden participar todos os grupos de gaitas e pandereteiras que o desexen. Ao remate da festas haberá petiscos para os participantes.
