As instalacións da piscina de Redondela acollerán durante un mes un método orientado a perder graxa localizada e que asegura aos seus usuarios que poderán reducir entre 4 e 8 centímetros. Esta é unha das actividades que organizan a curto prazo e que buscan fidelizar aos seus abonados e atraer novos usuarios.
A partir do 8 de abril e durante catro semanas, os usuarios da piscina municipal poderán participar nun sistema innovador para perder graxa localizada a través do método “Slim Belly”. Un método dirixido a maiores de 16 anos e que axuda a queimar o tecido adiposo de modo puntual conseguindo unha reducción do perímetro abdominal de entre 4 e 8 centímetros. O estudo, no que a piscina de Redondela participa xunto cun cento de centros deportivos de toda España, dura 4 semana e abarca tres sesións semanais de aproximadamente 40 minutos cada unha e está dirixido “tanto a mulleres como homes que busquen obter un ventre plano”. Unha actividade orientada ao público en xeral, non así a ruta de sendeirismo que organizan de cara ao vindeiro día 13 e que está orientada aos socios. Unha andaina de 17 kilómetros pola Fraga do Barragán en Pazos de Borbén e cuxa duración está estimada en catro horas. Máis información nas instalacións da piscina ou no teléfono 986 400 586.
Un método para perder graxa localizada
