O período de presentación de instancias finaliza o mércores 8 de maio. As persoas interesadas en optar a algunha destas contratacións de carácter temporal poden consultar toda a información e imprimir a instancia de solicitude na páxina web do Concello.
A duración do contrato será de entre catro e seis meses e os aspirantes deberán superar unha serie de probas de carácter físico, así como un exame tipo test e un cuestionario no que se valorará o seu coñecemento do termo municipal e da toponimia local. Deberán a acreditar ademais o seu coñecemento da lingua galega.
