Representantes do Banco Pastor participan este venres dunha asemblea informativa na que explicarán aos veciños da zona alta da parroquia a súa postura de cara a abrir unha oficina bancaria na Avenida de Redondela, logo de que a único sucursal existente na zona, unha oficina de NCG Banco pechara as súas portas a principios de mes.
A Asociación Afectados Ap-9 e a Comunidade de Montes de Chapela convocan a todos os veciños a participar desta asemblea que terá lugar o venres 31 ás 21:00 horas no Multiusos do Piñeiral e lembra que a posibilidade de contar en breve cunha nova sucursal bancaria na zona “depende dos veciños e da súa aposta persoal por contar cun servicio esencial para o desenvolvemento social e económico da parte alta da parroquia”.
