II edición da travesía a nado entre as Illas Cíes e a Illa de San Simón con dous gañadores que decidiron cruzar xuntos a liña de chegada logo de percorrer xustos os 27 quilómetros da carreira. 6 horas e 26 minutos foi o que tardaron o coruñés Jesús Domínguez e o catalán Pep Vivas en superar a distancia establecida.
Os nadadores gozaron nesta II edición da batalla de Rande a nado de bos condicións da auga xa que a marea estaba subindo e non houbo moita corrente que complicara a marcha. Unhas condicións que fixeron posible que a travesía se realizase en 6 horas e 26 minutos pro parte dos dous primeiros clasificados, mellorando o tempo previsto que dende a organización estimaban en sete hroas. Iso sí, non houbo posibilidade de igualar as 5 horas e 41 minutos que empregara David Blanco, o redondelán gañador da primeira edición e que nesta cita non se atopaba entre os participantes.
