A tradicional cita deportiva arrancaba o pasado 1 de xullo con novidades importantes e a participación de 24 equipos entre os que se atopan algúns dos mellores equipos da comarca como o Bembrive, cuxos xogadores ao completo xogan baixo o patrocinio de Pablo Valle. O Royal Picasso, Agrocar, Rodavigo ou Opel Fimauto son outros dos conxuntos que aseguran a emoción e a calidade no xogo.
Por primeira vez nos seus 39 anos de historia o Mundialito ofrece premios en metálico para os tres primeiros clasificados, unha novidade que dende a organización entenden serviu para incrementar o número de participante e para garantir ademais a boa calidade dos conxuntos que están a medir as súas forzas na pista da Xunqueira. Así o salientaba Julio Mougán, presidente do Redondela F.S., quen apunta ademais que as elevadas temperaturas dos últimos días non están a restar calidade ao xogo nin afeccionados ás gradas. Outra das novidades desta edición é o concurso fotográfico que anima a todos os asistentes a sacar as súas instantáneas e optar así a un premio de 50 euros. Os participantes deberán envíar ó mail do club Fútbol Sala Redondela (f.s.redondela@hotmail.es). O XXXIX Mundiliato da Xunqueira está organizado polo Club Redondela Fútbol Sala, en colaboración co Concello e a Cafetería Aifos. Os encontros dispútanse todos os días en horario de tarde, dende ás 20:30 ata as 22:30, hora na que arranca o último dos partidos programados.
Fálanos da boa calidade dos equipos participantes
Un bo xeito de implicar tamén ao público
