A Federación Galega de Fútbol Sala comunicaba ao equipo de Julio Mougán a súa decisión de non designar árbitro para o partido que o equipo de Redondela ía disputar co Mondariz por impagos do Club. Unha situación que afectaba ao Mondariz Fútbol Sala xa na xornada anterior dando por perdido o seu encontro ante o Marcón por 0-6.
Os de Redondela esperan agora a resolución do Comité de Competición. Na vindeira semana confían que non haxa incidencias que impidan a normal celebración do partido que está previsto se xogue na bomboneira o sábado 22. Os de Mougán recibirán ao Marcón, equipo situado moi por baixo dos de Redondela, no decimo segundo posto da táboa en autonómica sur.
