Redondela prepárase para vivir un ano máis a tradicional festa dos Maios que contará nesta ocasión cun total de 14 maios participantes. Unha figuras vexetais que se poderán ver xa a partir das once da mañá na Alameda lugar no que permanecerán ata que se dean a coñecer aos premiados e cuxos integrantes subirán ao palco instalado na praza do concello para cantar e interpretar as súas coplas.
Son en total 9 maios artísticos e seis tradicionais que se disputarán os premios de cada categoría dotados con 200, 150 e 100 euros para o primeiro, segundo e terceiros clasificado nas categorías de coplas e interpretación. Tamén haberá tres premios para as tres mellores composicións en artístico e en tradicional.
Atopamos entre os participantes a algúns dos gañadores da edición anterior como os rapaciños do Carballo ou os mozos de Chan das Pipas de Saxamonde ou o maio O Canastro. Repiten tamén os maiores do Centro de día Arela ou os Miúdos de Samar e así ata un total de 14 composicións que se suman a esta celebración do vindeiro xoves 1 de maio.
