O Secretario xeral de Cultura, Anxo Lorenzo lembrou que con esta actividade se lle quere render unha xusta homenaxe ao escritor homenaxeado este 2014 co gallo das Letras Galegas. O acto inaugural contou coa presenza do secretario xeral de Política Lingüística, Valentín García, o presidente da Real Academia Galega Xesús Alonso Montero e o concelleiro de cultura, Julio Alonso. A exposición permanecerá no Multiusos ata o vindeiro 29 de xuño.
“Nimbos de luz”, exposición impulsada pola Consellería de Cultura dentro do programa anual de actividades conmemorativas do Día das Letras Galegas 2014, é unha mostra itinerante producida pola Editorial Galaxia e Merlín Comunicación permite unha ampla aproximación á vida e a obra de Díaz Castro a través de 14 paneis temáticos. O seu carácter didáctico era salientado polo presidente da RAG Alonso Montero, quen aconsellaba aos escolares e ao público en xeral achegarse a esta exposición CORTE A mostra inclúe ademais diversos materiais multimedia e o emprego doutros soportes expositivos, como mesas-vitrina e peanas, para a instalación de obxectos e publicacións orixinais, unha “visión ilustrativa e dinámica do que foi Díaz Castro” en palabras de Valentín García. O secretario xeral de Cultura entende que nesta exposición está recollida unha visión o máis ampla posible do escritor apuntado aspectos menos coñecidos do autor neste caso a súa faceta como traductor do que foi “un gran políglota que se manexaba en 17 linguas”. Julio Alonso, concelleiro de Cultura animaba aos veciños a se achegar a esta mostra na que se distribuirán de xeito gratuíto folletos en formato acordeón que reproducen cada un dos paneis. A mostra complétase coa proxección do documental O instante eterno de Xosé Antón Cascudo.
Unha mosra para todos os públicos pero especialmente para os escolares
Unha visión dinámica do que foi Díaz Castro
Lembrou a faceta como traductor dun gran políglota
Anima aos veciños a non perder esta mostra que se pode visitar ata o día 29
