Xa non hai prazas para participar da Homenaxe ás vítimas do franquismo que se vai celebrar o vindeiro domingo día 20 en San Simón. Este ano contarase coa presenza do escritor e xornalista Manolo Rivas quen será o encargado de achegar aos presentes as conclusións que se recollen nun informe da ONU respecto do trato que o Estado Español lles está a dar ás vítimas da Guerra Civil e o franquismo .
O relator para a promoción da verdade, a xustiza, a reparación e as garantías de non repetición da ONU, Pablo de Greiff recolle nas conclusión preliminares de dito informe, elaborado logo de visitar España, que sería necesario incrementar os recursos que se destinas ás vítimas do franquismo e que o Estado deixe sen efecto a lei de amnistía do 1977 para que os crímenes poidan ser investigados. Outras das cuestións que se recolle nese informe fai referencia á simboloxía franquista que se mantén en numerosos edificios e no propio rueiro de moitas vilas e cidades “algo impensable en Alemania ou Italia con Hitler ou Mussolini” tal e como explicaba dende a Iniciativa Galega pola memoria histórica Rubén Afonso Lobato O encargado de ler as conclusións do informe da ONU será Manolo Rivas pero haberá tamén participación dos propios organizadores que se encargarán de lembrar o que aconteceu na illa durante os anos nos que foi un penal. Lamentas que dende a Xunta non se estea a potenciar San Simón como un espazo dedicado á memoria dos que sufriron a represión franquista.
Este ano o acto centrarase no informe da ONU elaorado por Pablo de Greiff
Reclaman que sexa un espazo dedicado á memoria
