O goberno de Javier Bas retirou as máquinas do parque biosaudable da rúa Salgueiral en xaneiro de 2012. O edil socialista Eduardo Reguera denuncia que dous anos e medio despois o lugar aínda non foi acondicionado para o seu uso público.
O grupo municipal socialista denuncia que agora o lugar “é unha praza degradada, con círculos de terra e herba”, xa que logo de retirarse os aparatos de ximnasia que existían a zona quedou ” no esquecemento”. Reguera advirte que nas inmediacións do parque existen varios establecementos de hostalaría, polo que se debería coidar “algo máis” este emprazamento. Segundo o PSOE “non serían necesarios grandes recursos para arranxar o lugar”, senón tan só “que se acondicione a zona para o uso da veciñanza”.
