A Biblioteca de Chapela abre unha nova etapa do club infantil de lectura para rapaces e rapazas de entre 7 e 10 anos. Está previsto que esta nova etapa arranque o mércores 15 de outubro con sesións periódicas un mércores ao mes en horario de 18:30 a 19:30. Leo Leíño será a encargada de conducir esta actividade.
Os participantes neste club de lectura leran un libro ao mes que será cedido pola propia biblioteca para facilitar a súa lectura. A condutora do club é Leo Leíño, encargada de diversas actividades relacionadas coa lectura, as bibliotecas e os máis pequenos. Ademais das sesións habituais, organizaranse actividades especiais e moitas sorpresas. Para participar tan só é necesario facerse socio da biblioteca (de xeito gratuíto) e inscribirse no club antes do 15 de Outubro e mentres queden prazas libres. Os que xa sexan socios das bibliotecas de Redondela poden anotarse por teléfono (tlf: 986-454-226, en horario de atención ao público) ou no correo electrónico: bibliotecachapela@redondela.es
Unha acividade gratuíta para nenos de 7 a 10 anos
A encargada de coducir o club conta con ampla experiencia neste tipo de actividades
