O concelleiro socialista Eduardo Reguera repetirá como candidato á alcaldía de Redondela logo de que a súa fose a única candidatura presentada ao proceso de primarías do PSOE que concluíu o pasado luns 17 de novembro coa presentación de avais. Ao non presentárense outras candidaturas non se celebrarán votacións e o vindeiro día 22 será nomeado oficialmente candidato á alcaldía.
Será a segunda vez que Eduardo Reguera, mestre de profesión encabece a lista que presenten os socialistas ás municipais do vindeiro ano.
O actual edil conta cunha dilatada experiencia na política local, xa que baixo o mandato de Xaime Rei ocupou responsabilidades no goberno local como concelleiro de Cultura e Facenda.
