O candidato do BNG-Asembleas Abertas Manu Lourenzo solicitou por rexistro no concello un debate público a Agustín Reguera, unha vez coñecido que se presentará á alcaldía. Ao seu enteder “é un dereito da cidadanía coñecer as propostas que cada un dos grupos que aspiran a gobernar o concello; e para isto nada mellor que presentarllas en 1ª persoa, nun debate público”.
Engade Lourenzo que en todos os concellos da contorna estanse a celebrar debates entre as candidatas e candidatos das diferentes organizacións políticas “un exercicio de democracia e transparencia que permitirá as veciñas e veciños coñecer os diferentes programas e proxectos para o noso concello”.
