O adestrador do Choco afirma que está a vivir “un reto” como técnico na Terceira División. Fai un balance positivo da temporada, cando ocupan a quinta praza do grupo, pero agora só pensa no Rápido de Bouzas, o seu próximo rival.
Para Montes o obxectivo do club é claro, acadar canto antes “os 42 ou 45 puntos que lle garantan a salvación”. Advirte que os resultados da pasada temporada foron “excepcionais” o moi difíciles de repetir para un equipo modesto como o de Redondela. Con todo, non descarta que unha vez acadado o obxectivo da permanencia se poida pensar noutras meta. Fai un balance positivo das 17 xornadas desta liga na que se estrea como técnico en Terceira División, e amósase satisfeito do rendemento dos seus xogadores. Pero para el adestrar ao Choco segue a ser “un reto”, e insiste en que o traballo debe ser constante porque queda aínda moita competición por diante. A súa preocupación agora é o Rápido de Bouzas, o seu próximo rival, un equipo duro situado unha posición por riba dos redondeláns. A iso súmase un terreo de xogo difícil e o vento, que pode ser prexudicial tamén en Bouzas. O encontro será o domingo ás 17.00 horas.
O adestrador recoñece que para el é un reto dirixir ao Choco.
Montes fai un balance moi positivo do que levamos de temporada.
Un partido difícil para Montes polo rival e polo terreo de xogo.
