O Concello de Soutomaior recibirá 106.688 euros este ano, dentro do Plan Concellos da Deputación, que se destinarán á contratación de persoal para fomentar o emprego neste municipio. En concreto, o Concello contratará a dous albaneis oficiais de primeira, catro peóns de obra pública en xeral, un fontaneiro, tres peóns forestais, dous auxiliares de biblioteca, dous albaneis oficiais de segunda, un peón de obra pública en xeral e dous peóns forestais.
A selección do persoal levarase a cabo a través dos Servizos Públicos de Emprego, entre as persoas desempregadas non perceptoras de prestacións ou perceptoras de prestacións sociais destinadas a garantir os recursos económicos mínimos de subsistencia (RISGA, RAI, PREPARA e outros). O concello elixirá aos traballadores entre os candidatos xa preseleccionados pola oficina de emprego e que lle sexan reenviados dende este servizo.
