A ONG Redondelá busca financiamento para seguir avanzando nos diferentes proxectos que ten en marcha en Senegal e que abarcan tanto o ámbito educativo como o sanitario. Nesta ocasión, repetindo citas anteriores, organizan unha cea solidaria que se celebrará o sábado 7 de maio ás 21:30 horas na Casona da Torre. As persoas interesadas poden facer xa as súas reservas nos teléfono 666 618 202 ou 691 109 691.
Unha cea que pretende ser un punto de encontro para todas as persoas interesadas en colaborar neste tipo de proxectos solidarios ademais de ser un xeito de recadar fondos que irán destinados directamente a axudar á infancia nas poboación senegalesas na que estas ONG, presidida pola médico pediatra, Pilar Martínez, traballa habitualmente.
