A Concellaría de Cultura celebrará este venres 22 un acto en conmemoración do Día do Libro cando se cumpren catrocentos anos do pasamento de Miguel de Cervantes e William Shakespeare, ambos considerados como os máis importantes escritores da historia da literatura universal.
Na praza da Constitución as seis da tarde, acompañados por unha peza musical interpretada por alumnos da Escola de Música de Chapela, descubrirase un cubo didáctico sobre o tema. Previamente terá lugar a lectura de fragmentos das obras dos dous escritores a cargo dalgúns dos integrantes da Asociación de Amigos das Bibliotecas de Redondela.
