Ambientada nos montes galegos de Coruña, Pontevedra e Ourense, este documental rodado por Antono Caeiro narra a historia dos que viviron os tempos nos que a extracción do volfran era fonte de riqueza por tratarse dun mineral moi necesario para a industria armamentística alemá. Proxéctase este venres 23 no Multiusos ás 20:00 horas dentro do ciclo “memoria e vida”.
Ao comezo da Segunda Guerra Mundial un mineral fíxose necesario para o Estado alemán: o volframio. Galicia converteuse en “El Dorado” para moitas persoas que procuraban diñeiro fácil ou simplemente un traballo naqueles duros anos da posguerra española. Mineiros, aventureiros, guerrilleiros, gardas civís e presos políticos, conviviron nos montes galegos e entrecruzaron as súas vidas. As aldeas de Vilar, Merza, A Brea, pasaron a ser lugares de gran efervescencia na procura do volfran, especialmente o núcleo rural de Fontao, en Vila de Cruces. Esta é a súa historia contada polos propios protagonistas baixo a dirección de Antonio Caeiro e que se poderá ver este venres ás 20:00 horas no Multiúsos da Xunqueira.
Fálanos do documental
