Nesta ocasión o acto vandálico afectou ao valado de Chan da Cruz que apareceu serrado. Todo apunta a que o autor sería o mesmo veciño que xa fora identificado como autor dos danos no mesmo lugar o pasado día 5 logo de que parte do material roubado nesa ocasión -os taboleiros de madeira- foran localizados nun galpón nas inmediacións do campo de fútbol de Trasmañó. A pasarela foi xa reparada.
Malia que se tería reforzado a vixilancia policial na zona e incluso os veciños se organizaron para realizar quendas de vixilancia nos últimos días, o certo é que é imposible manterse alerta durante as 24 horas. De feito, o último destes actos vandálicos produciuse na madrugada do luns cando o autor aproveitou a escuridade e ausencia de vixilancia para serrar o valado.
