As súas Maxestades os Reis Magos de Oriente visitarán hoxe martes o concello de Pazos para recoller as peticións dos nenos de todo o municipio e poder entregarlles os seus agasallos. Como é tradicional, o encontro producirase na Casa do Concello a partir das 15.00 horas, onde os pequenos poderán fotografarse coas súas Maxestades ademais de gozar dunha mañá chea de sorpresas.
A actividade comezará ás 11.00 horas coa apertura dos primeiros postos de Feira de Reis que se instalará nos exteriores da Casa do Concello. Un mercado no que non faltarán os tradicionais doces típicos destas festas, a artesanía ou o clásico vendedor de polbo.
Para os máis pequenos as actividades comezan a partir das 15.00 horas cun espectáculo de animación e xogos co Mago Richard e os seus “Contos de Nadal”. Sobre as 17.00 horas terá lugar a esperada cabalgata que traerá ás súas Maxestades desde o afastado Oriente para que os pequenos póidanlles facer entrega das súas peticións.
