O centro de saúde de Arcade pode ver o seu servizo de pediatría suspendido ata o próximo día 6 de xuño pola ausencia do médico titular. Ante esta situación, o alcalde de Soutomaior, Agustín Reguera, remitiu esta mañá un escrito ao Conselleiro de Sanidade, Jesús Vázquez Almuiña, e ao xerente do Servico Galego de Saúde (SERGAS), solicitando un médico substituto que garanta o servizo.
No seu escrito, o rexedor explicou que o servizo de pediatría de Arcade é de vital importancia para gran parte dos veciños xa que no mellor dos casos teñen que desprazarse a Vilaboa, explicou Reguera, que indicou que a carta se remitiu por correo ordinario e electrónico, ademais de varias xestións telefónica previas anticipando o escrito.
