Fomentar a convivencia entre os veciños e ofrecer unha xornada de actividades variadas é o obxectivo da asociación Froles Mareliñas que organizan este sábado a VII festa popular que terá lugar na Alameda de Chapela e que inclúe citas deportivas e musicais cunha verbena a partir das 21:00 horas na que actuarán os grupos Choran As pedras, os Escaravellos e Mini e Mero.
Unha festa popular que a asociación organiza por sétimo ano consecutivo e que arrancará na mañá do sábado 9 con competición deportivas e coa presentación dos equipos do Club balonmán Chapela. Ao mediodía terá lugar a comida popular e xa pola tarde xogos popular para animar a sobremesa. A partir das 21:00 horas arrancarán os concertos con presenza do grupo local Os Escaravellos, Choran as pedras e Mini e Mero, músicos, poetas, mestres e investigadores do folclore e a cultura, membros históricos de Fuxan os Ventos ou A Quenlla e que teñen colaborado activamente en diferentes actividades organizadas en Chapela.
O presidente da asociación fala da xornada de convivencia do sábado
Unha verbena para os amantes da música folk con presenza tamén de Choran as Pedras e os Escaravellos
