Coincidindo coa celebración do Día Internacional contra a Violencia de Xénero, o vindeiro 25 de Novembro, dende o Concello organizan un programa de actividades que se van desenvolver ao longo de todo o mes con charlas, actos institucionais, cine e música. Uns actos cos que se quere lembrar a todas as vítimas da violencia machista e visibilizar a dramáticas situación das mulleres maltratadas. De feito, neste ano quérese homenaxear a Mª José Mateo “Sesé” a veciña de Chapela que foi asasinada pola súa ex parella o pasado mes de febreiro.
Un programa que arrancaba o pasado día 1 cunha exposición que ata finais de mes pode visitarse no Multiúsos e que leva por nome “Un camiño por diante para a erradicación da violencia e a discriminación” e que inclúe proxeccións cinematográficas en Cedeira coa película de George Cuckor “luz que agoniza” hoxe luns día 20 e o mércores 22 na Asociación cultural A Miñoteira con La vida secreta de las abejas. Por outra banda, o martes na Sociedade Cultura do Viso terá lugar unha charla ás 17:30 horas a cargo das profesionais do Centro de Información ás Mulleres e o día 24 terá lugar o acto institucional na praza do concello ás doce do mediodía. Pola tarde no Centro Cultural de Cesantes proxectarase a curtametraxe “miña” e os actos pecharanse o sábado 25 cun concerto a cargo do alumnado do Conservatorio de Redondela ás 19:00 horas no Multiúsos da Xunqueira.
Uns actos nos que estará moi presente Sesé
Pola tarde haberá tamén actividades en Cesantes
