O Campo de Parada acolleu onte unha emotiva xornada de fútbol co I Memorial Gastón, título que gañou o Chapela C.F. No cuadrangular, co que se rendía homenaxe ao xogador do xuvenil falecio Gastón Marfil, participaron tamén o Santa Mariña, Ribeira e Gran Peña, que quedaron en segundo, terceiro e cuarto lugar, respectivamente.
Desde o Chapela C.F. amosaban o seu agradecemeto ás directivas e xogadores dos clubs participantes, ao igual que ao Sárdoma, que malia non competir no torneo amosaron o seu apoio. A organización rindeu homenaxe á familia do desaparacido xogador co agasallo de flores e placas conmemorativas de parte de todos os clubs participantes, e tamén o escudo do Concello de Redondela, a cargo de edil de Deportes Julio Mougán.
