O público asistente ao concerto-concurso que se celebraba este sábado na Feira do gando foi o encargado cos seus votos de determinar cal dos dous finalistas, Tandub ou Cubo Metálico, se facían cos 500 euros do premios e a posibilidade de actuar no festival Millo Verde que se celebrará na praia de Cesantes do 3 ao 8 de xuño. Finalmente foi a música fusión do grupo ourensán Tandub quen logrou o favor do público.
Un concurso que supón o pistoletazo de saída para un festival que volverá celebrarse na primeira semana de xuño na praia de Cesantes e que ten practicamente pechada a súa programación musical con actuacións de Ghetto Kumbé, Kings of the Beach, Fémina, KOG& The Zongo Brigade, Sin a deir sí ou Rebelión do inframundo entre outros. Grupos aos que se suma agora, por elección do público, a música fusión de Tandub.
