O C.C.R. de Chapela organiza unha fin de semana de exaltación gastronómica no paseo marítimo da parroquia. O bo xantar, a prezos populares, estará amenizado tamén por actuacións musicais baixo a carpa instalada pola organización.
En Chapela despidne o mes de agosto e danlle a benvida a setembrou cun bo xantar. O sábado, 31 de agosto, celebran a Festa da Sardiña, a partir das 19:30 horas no paseo marítimo de Chapela. Cada socio da entidade poderá degustar un quilo de sardiñas e pan de trigo de balde. Cada quilo adicional ten un prezo de 10 euros, o mesmo que deberán pagar os non socios. Tamén haberá polbo e a actuación musical de Pepe Chine e a súa trompeta. O domingo cambian o peixe por carne, coa celebración da Churrascada Popular. Será a partir das 14:00 horas no mesmo emprazamento, cunha oferta gastronómica que conta con churrasco de porco, criollo e media botella de viño, a un prezo de 7 euros por persoa. O domingo a actuación musical correrá a cargo de Fausto.
