A Fundación Filomena Rivero Alonso e as bibliotecas de Redondela promocionan a lectura cos “Contos por teléfono”. O mércores 26 de agosto, a partir de 10.00 a 14.00 horas, e pola tarde de 17.00 a 21:00 horas, contarán historias por teléfono na voz da contacontos viguesa Ana Facchini.
Aqueles que queiran participan tan só teñen que achegarse á Biblioteca Valle Inclán ou chamar ao teléfono 986 40 15 61 para incribirse e escoller a hora á que se quere escoitar o conto. Cada historia é unha viaxe diferente e hainos para todos, grandes e pequenos, porque esta actividade non ten idade “é para todo tipo de público desde os 5 aos 190 anos”. Esta iniciativa xorde da man da Fundación Filomena Rivero Alonso coa colaboración das Bibliotecas Municipais de Redondela.
