A conselleira do Mar funcións, Rosa Quintana, acompañada pola directora xeral de Desenvolvemento Pesqueiro, Susana Rodríguez, mantivo unha xuntanza de traballo con representantes da confraría de pescadores e do goberno local de Redondela para coñecer de primeira man as súas necesidades e inquedanzas e aclarar dúbidas relacionadas coa súa actividade.
No encontro abordaron diferentes asuntos de interese para o sector marítimo-pesqueiro da zona como a situación do marisqueo ou o impacto que a alerta sanitaria polo coronavirus tivo nos últimos meses nos profesionais do complexo mar-industria. A conselleira comprometeuse a buscar “o mellor xeito” de atender as demandas do sector.
