A enseada de San Simón será o escenario da primeira proba oficial da tempada de kitesurf en Galicia. Mañá luns celébrase o I Trofeo Letras Galegas, organizado polo TMKiteClub, puntuable para o I Circuito Galego nas modalidades de Twintip, Surf, Foil e Wing. A xornada comezará ás 10.00 horas, coa confirmación de inscricións e recollida de dorsais. Ás 13.00 arrancará a competición no campo de regatas fronte á praia da Punta de Cesantes. A entrega de trofeos celebrarase pola tarde, a partir das 19.00 horas.
