Operarios de Augas de Galicia, entidade dependente da Consellería de Infraestruturas, está a realizar traballos de conservación e limpeza no treito interurbano do río Alvedosa, no municipio de de Pazos de Borbén. As labores estanse a desenvolver nun tramo do río, de máis de 1,1 quilometros, ao seu paso pola parroquia de Amoedo. As tarefas céntranse na retirada de árbores e pólas caídas na canle, para permitir a circulación fluída das augas e evitar atoamentos. Con esta intervención o río queda “despexado de maleza”, melloran as condicións naturais do ecosistema “e favorecen os aspectos medioambientais e de uso social na contorna do río”.
Augas de Galicia desenvolve estas accións no marco do programa de mantemento, conservación e mellora do dominio público hidráulico das bacías de Galicia-Costa, no ámbito territorial Galicia-sur e as súas zonas de acceso e protección.
