A Sociedade Labrego Cultural de Reboreda celebra este sábado, 24 de xullo, unha xornada de convivencia aberta á participación de todos os socios. As actividades comezarán ás 20.00 horas cunha merenda-cea a base de paella con sobremesa. A cita é ao aire libre, no Centro Cultural, e a animación correrá a cargo do grupo de pandeireteiras Carballo das Cen Pólas e o grupo de pop rock furancheiro As Efémeras. Os protocolos derivados da pandemia obrigan a limitar o aforo, polo que é preciso facer unha inscrición previa no teléfono 621 39 02 62. Actividade de balde para os socios, 10 euros para os non socios convidados.
