O Iberconsa Amfiv segue sumando éxitos antes do comezo da competición oficial. O equipo vigués obtivo onte un claro triunfo na final da Copa Galicia fronte ao Abeconsa Basketmi Ferrol (85-57), disputada onte no pavillón da Marisma en Redondela. O equipo ferrolán aguantou os dous primeiros cuartos para chegar ao descanso cun punto de desvantaxe (30-29). Na segunda parte o Amfiv foi moi superior ao Abeconsa, que sumou 28 puntos por 55 dos vigueses, e o Amfiv impuxo finalmente a súa superioridade. O Basketmi Ferrol, que o ano pasado conseguiu o ascenso a División de Honra do baloncesto en cadeira de rodas, decidiu finalmente renunciar á praza. O Amfiv comeza a liga o sábado 9 de outubro en Vigo contra o CD Ilunion.
![](https://www.radioredondela.com/wp-content/uploads/2024/09/WhatsApp-Image-2024-09-05-at-16.22.30-300x300.jpeg)