Axentes da Policía Local de Redondela procederon na madrugada deste mércores a detención dun varón logo de ser sorprendido mentres tentaba forzar e roubra as máquinas anexas a un establecemento de hostalaría da rúa Ernestina Otero.
Os feitos aconteceron sobre as 01:15 da madrugada, cando un varón de 23 anos e residente en Vigo foi sorprendido polo propio dono das máquinas de vending cando forzaba as mesmas axudado dunha barra de ferro. Ao ser sorprendido daríase a fuga ameazando ao propietario coa propia barra.
Posteriormente sería localizado novamente nas inmediacións do local e detido pola Policía Local por un presunto delito de ameazas e roubo con forza. O detido foi posto a disposición xudicial.
