Terceira División
Lugo Sala 7-1 Campito
Difícil partido para os de Chapela, que visitaban terras lucenses para medirse ao líder. Os de Santi Domínguez acabaron goleados. O sábado volven xogar fóra, visitan a pista do Praias de Barreiro, cos anfitrións situados na metade baixa da táboa.
Preferente Sur
Redondela Maramar 5-0 Balona Linense
O conxunto redondelán mantense no máis alto da táboa despois de golear ao Balona Linense. Adianta nun punto ao segundo clasificado, o Pazos, que ten dous partidos menos disputados. A próxima fin de semana xogan na pista do Cesures.
Club Cios Vigo 4-12 Arealonga
Partido serio dos de Chapela, que se impoñían con claridade ao Cios Vigo. Malia adiantarse o equipo vigués co 1-0 no marcador, o Arealonga empatou pouco despois e xa no descanso o marcador reflectía un claro 1-6 a favor dos redondeláns. Na segunda parte os de Chapela seguiron demostrando a súa superioridade ata o 4-12 definitivo. Na próxima xornada mídense a outro equipo vigués, o Valadares.
Teis FutSal 2-6 Sociedade Deportiva Pazos
Os de Fran Amoedo seguen a contar todos os seus encontros por vitorias. Na próxima xornada visita a pista do Baíña, 3º do grupo.
