Un espectáculo familiar enmarcado no programa FalaRedes no que a cantante de Leilía, Montse Rivera, ofrécenos un espectáculo no que pon a bailar ao público familiar. A proposta emprega como fío condutor un diálogo entre un mozo e unha moza nun tempo pasado, onde a conversa en lingua galega, e por extensión a música e o baile, servían como base das relacións humanas. Poderase ver o venres 18 ás 18:30 no Multiúsos da Xunqueira.
A lingua galega ten unha grande importancia no espectáculo, xa que se fai fincapé no seu emprego natural nas relacións entre as persoas e apréndeselle ao público un pequeno repertorio de cantigas.
O argumentos xira en torno a Matilde, unha moza do Courel e Xan un mozo do Condado, eles serán o fío que nos leve por este obradoiro de baile, baseado na tradición pero actualizado e teatralizado. Os asistentes van divertirse bailando e cantando en galego pezas do repertorio tradicional da nosa terra. Os temas que forman parte desta proposta son todos eles recollidos de persoas maiores polas aldeas de Galicia, eran as cantigas, os bailes e xogos que lles aprenderan os seus maiores e cos que se divertían facendo máis levadeira a súa vida cotiá.
