O centro cultural de Santo Estevo de negros vive hoxe unha tarde de actividades con dúas propostas para públicos diversos. Así, ás 17:30 horas terá lugar un espectáculo de música a cargo do vigués César Freiria, músico autodidacta e apaixonado dos instrumentos que co seu proxecto Cé Orquestra Pantasma ofrece un variado repertorio que anima a públicos de todas as idades. Unha proposta enmarcada no ciclo de teatro infantil interparroquial Queremos galego con entrada de balde.
Xa as 20:00 horas actuará o grupo de folk tanto Nos ten, un grupo de música que emprega no seu repertorio músicas e letras propias e do saber popular, retranqueiras, de escarnio e comprometidas co país e que, xunto ós pasodobres, muiñeiras, foliadas, rumbas e outros ritmos bailables, conforman o que denominamos, música tradicional furtiva coa que tratan de interactuar coa xente, e converter nunha festa cada unha das súas intervencións, tanto de rúa coma de palco.
Dúas actividades de balde enmarcadas na programación de Nadal do Concello.
