As fortes chuvias dos últimos días e semanas provocaron a caída dun muro no barrio de San Pedro en Cesantes que obrigou actuar aos axentes da Policía Local e a Concellería de Vías e obras.
O muro de pedra de gran tamaño viuse abaixo na xornada de onte domingo sen provocar feridos pero si importantes danos materiais. Os propietarios do muro traballan xa para tentar arranxar o peche e retirar as pedras do camiño que impiden a circulación de vehículos.