O Círculo Cultural e recreativo de Chapela celebra esta fin de semana a súa festa do verán con actividades para todos os públicos que inclúen atraccións para os máis pequenos, música, o Festival de Corais e a Festa da Navalla que terá lugar o domingo día 2 de xullo e que permitirá degustar o bivalvo a prancha ou en empanada.
O paseo marítimo de Chapela acolle este domingo a celebración da Festa da Navalla, unha cita obrigada para os amantes do marisco en xeral e deste bivalvo en particular. Á prancha ou en empanada de millo ou trigo poderemos degustar a navalla a partir das 12.00 horas e até que se esgoten as existencias. Unha cita festiva organizada polo Círculo Cultural de Chapela que arrancará xa o venres coa actuación ás 20:00 horas da Rondalla de Redondela e ás 22:00 horas co dúo Rumbo Norte.
O sábado a cita será co festival de Corais a partir das oito da tarde coa participación da Coral Polifónica da Confradía de Pescadores de O Grove, a Asociación Coral “Areas Gordas´” de Coiro Cangas e a Coral Polifónica “Frol Nova” do Círculo Cultural Recreativo de Chapela. Pechará a xornada a actuación do grupo Souvenir que ofrecerá ás 22.00 horas un repertorio cargado cos grandes éxitos del Pop-Rock español dos anos 60, 70 e 80.
O domingo xa dende as doce do mediodía e amenizada pola música do grupo de gaitas Tirapuxa poderanse degustar os diferentes pratos elaborados a base de navallas, con prezos que van dende os 3,50 a ración de empanada de trigo e os 4,5 da empanada de millo, aos 5 euros que custará degustar media ducia de navallas a prancha.
Pechará a festa o trío Talismán ás 20:00 horas.
