Axentes da policía local en colaboración coa policía nacional interviñan na madrugada do sábado en Chapela para desmontar unha quedada que condutores que se deran cita para realizar carreiras e exhibición ilegais. Os feitos aconteceron arredor das 02:30 horas da madrugada deste sábado cando varias chamadas alertaban na Policía Policia Local de Redondela de vehículos circulando a gran velocidade pola zona do campo de Fútbol da parroquia.
Unha vez no lugar os axentes observan un vehículo realizando trompos ante un grupo dunhas 20 persoas pondo en risco a integridade física das mesmas. Os axentes procederon a sancionar este condutor por condución temeraria e procedeuse tamén a sancionar outros dous individuos por circular coas rodas en mal estado.
Dende a policía local agradecen a colaboración cidadá para poder atallar a comisión deste feito que pon en risco a veciñanza.
Sancións no Viso
Por outra banda, informan da realización dun dispositivo estático de control de persoas e vehículos realizado na zona de O Viso, onde se procedeu a sancionar dous varóns por distintas infraccións, un deles por falta de respecto aos axentes da autoridade e a un segundo por portar unha arma branca na porta do condutor, a cal tiña fácil acceso.
