As bibliotecas municipais de Redondela e Chapela teñen aberta a matrícula para os seus clubs de elctura no próximo curso. As persoas interesadas en participar poden facer xa a súa inscrición na Biblioteca P. M. Valle-Inclán de Redondela. Nos clubs de lectura das bibliotecas municipais de Redondela as reunións son mensuais, e lese un libro diferente de cada vez, procurando que as propostas lectoras sexan diversas e variadas. Os participantes teñen que ter cumpridos os 18 anos, ter o carné de socio das Bibliotecas Municipais de Redondela, ou ben de calquera outra biblioteca da Rede de Bibliotecas Públicas de Galicia, e inscribirse previamente nun dos clubs. Participar é de balde, e as bibliotecas, ademáis, proporcionan os libros para cada sesión. As reunións dos Clubs de Lectura desenvolveranse entre outubro de 2023 e xuño de 2024, en horario de 20:15 h. Máis información no enlace das bibliotecas.
