Os topónimos poden estar vinculados á actividade que se desenvolvía no lugar
O acto terá lugar este sábado 27 ás 18:00 horas e no mesmo participarán a filóloga e autora do texto, María Pol, o responsable de normalización lingüística, Xurxo Martínez e a alcaldesa, Digna Rivas.
O libro realiza un exhaustivo estudo dos topónimos e microtoponimos desta parroquia. Recóllense e clasifícanse máis de 600 nomes de camiños, lugares, fontes, ríos, leiras… partindo dun traballo previo realizado pola Cooperativa Trespés, encargados de recompilar estes topónimos, é agora María Pol quen os categoriza e lles da unha explicación filolóxica sobre a súa posible orixe, non sempre doada de identificar.
O libro –xunto con outros xa publicados e que recollen os topónimos das parroquias de Reboreda, Cabeiro, Negros, Vilar, Quintela e Saxamonde- pódense consultar na web de toponimia do Concello de Redondela.
Salienta Pol a importancia deste tipo de traballos “recuperar estes nomes antes de que se esquezan é fundamental porque perder os topónimos é perder parte da nosa cultura, xa que nomean realidades propias do noso territorio e das súas xentes”.
