A Biblioteca de Redondela acolle este venres o contacontos “O Alfabeto dos Contos” a cargo de Pepa Martín “Mariscadora de Cuentos”. A actividade desenvolverase o venres 16 de febreiro da man da Fundación Filomena Rivero Alonso. A actividade, orientada a nenos e nenas de 5 a 10 anos, é de balde con inscrición previa na Biblioteca Municipal de Redondela (986 40 15 61).
Pepa Martín, narradora, dinamizadora da lectura e contadora galega desde hai máis de 20 anos, será a encargada de impartir a actividade que terá lugar na sala infantil do Multiúsos ás 18:00 horas do venres 16.
