Campus de verán do CD Choco 2023
O CD Choco celebra do 24 de xuño ao 5 de xullo unha nova edición do seu campus de verán para o que xa abriu período de inscrición. Está dirixido a nenas e nenos de entre 4 e 14 anos con actividades que van máis aló do fútbol.
O Campamento inclúe merenda, camisetas de agasallo e diferentes deportes e actividade. Tamén programarán saídas e visitas pola zona, poñendo en valor o patrimonio de Redondela.O campus divídese en dúas quendas unha do 24 ao 28 de xuño e outra do 1 ao 5 de xullo. No caso de asistir a só unha queda o prezo xeral é de 90 euros e de 80 para socios, mentres que as dúas quendas xuntas custan 160 euros de forma xeral e 150 para os socios. Ambas serán en horario de mañá de 9:00h a 14:00h para facilitar a conciliación familiar na época de vacacións escolares.
A inscrición xa está aberta e realizarase on-line, xa está activa na páxina web do club www.clubdeportivochoco.com onde tamén figura máis información e detalles sobre as actividades para desenvolver durante esas dúas semanas. Para máis información está dispoñible o número de teléfono 635 625 163.
