Os 114 participantes desta edición tiveron que facer fronte a unha proba dura xa de por si á que se lle engadiu a baixa temperatura da auga. Os nadadores Daniel Ponce e Andrea de la Hera impuxéronse con autoridade na XII edición da Batalla de Rande, mentras que Eneko Saezmiera e a británica Emma Vockins foron os mellores en categoría sen neopreno. Salientar tamén a participación de Martí Riera, o primeiro participante en cadeira de rodas nesta proba, que puido completala con éxito nun tempo de 8:21:09.
A xornada desenvolveuse sen incidentes máis aló dos 19 abandonos provocados en case todos os casos pola baixa temperatrua da auga. O resto de participatnes si lograron superar o reto de percorrer a nado os 27 kilómetros que separan a praia de Rodas nas Illa Cíes da Illa de San Simón.
