O Club de atletismo de Redondela e o Concello organizan a IV Carreira Popular Infantil para categorías inferiores que terá lugar o 7 de setembro ás 19:00 horas no centr da vila. A inscrición é de balde e o prazo está aberto ata o 4 de setembro.
A competición, que espera superar o 300 participantes do ano pasado, celebrarase nas rúas do centro da vila dando comezo ás 19:00 horas no Paseo Alfonso XII. Poderán competir nenos e nenas das categorías sub 8 (desde os 3 anos de idade) a sub 18 que completarán unha distancia entre 50 e 2.300 metros dependendo da idade de cada participante.
Non haberá control de tempos, polo que non se xerará lista de resultados finais. Tódolos rapaces levarán unha medalla de recordo e, a partir da categoría sub 12, haberá trofeo para os tres primeiros e tres primeiras clasificadas de cada proba. Nas castegorías de sub 10 cara abaixo entregarán a todos os participantes unha bolsa de lambetadas.
As inscricións realizaranse on line na páxina web de Cronotec. Haberá un teléfono de contacto (Manuel – 667833100), para resolver todas as dúbidas que poidan xurdir con respecto á inscripción. As inscricións cerrarán o mércores, día 4 de setembro. Non haberá cota de inscrición.
Inscricións e regulamento:
https://cronotec.es/menoresdondela24.html
![](https://www.radioredondela.com/wp-content/uploads/2024/07/452882902_122131364798306175_118171834169341459_n-739x1024.jpg)