En Preferente esta fin de semana alzáronse coa vitoria o Redondela fronte ao Pecheches e o Campito Chapela fronte o Quinta de Tui. Este último equipo local afástase da zona baixa da táboa, mentres que o Arealonga pasa a ser o pechacancelas do grupo tras a derrota contra o Beade.
O Pazos, en Terceira División Nacional, tiveron unha fin de semana que pode considerarse de “mala sorte”. Perderon pola mínima na súa visita ao Outeiro de Rei cun dobre penalti a falta de 5 segundos para acabar o partido.
Terceira División Nacional
OUTEIRO DE REI S.D. – S.D. PAZOS DE BORBEN FS (7-6)
Derrota do Pazos na súa visita ao Outeiro de Rei cun dobre penalti a falta de 5 segundos para acabar o partido. Mantéñense de quintos na clasificación xeral e a próxima xornada reciben ao Sala Ourense 2014.
Explican dende a directiva en redes socias que “non foi o noso mellor dia , pero aínda así conseguimos remontar e empatar a seis un partido que se nos escapara nos primeiros minutos da segunda parte e que acabaron por decidir con moi mala fe os árbitros”. Denunciaban a postura dos colexiados, porque din “ambos desesperaron aos nosos cunha actitude chulesca, tratando de forma moi distinta a uns e outros xa dende antes de comezar o partido”. A pesar desta situación remataban dando os parabéns e agradecendo a acollida por parte do equipo anfitrión.
Goleadores: Pablo , Martín, Eloy e Joni.
Preferente Futgal, 2
REDONDELA F.S. RODAVIGO – PECHECHES FS (5-2)
Vitoria ampla do Redondela contra o Pecheches, polo que suman tres puntos e sitúanse de sétimos na clasificación xeral. A proxima xornada visitan o SD Abetos Gobndomar FS.
Goleadores: Juan 4’, Raul 11’, Juan 26’, Raul 32’, Borja 38’.
C.D. BEADE MVMB Copefri – AREALONGA FS CHAPELA (4-0)
Non tiveron tanta sorte os do Arealonga que perdían na súa visita ao Beade. Con este resultado sitúanse de pechacancelas do grupo. A próxima xornada reciben ao ADI Vianariños FS.
CAMPITO CHAPELA FS – CONCEPTO BY PERSA – A QUINTA DE TUI F.S. (6-4)
O Campito Chapela logra desfacerse do titulo de pechacancelas do grupo , que pasa a ser do Arealonga , e sitúanse de doceavos despois desta vitoria. A próxima xornada visitan o Balona Linense FS.
