Os afeccionados ao ciclismo están de parabéns cunha carreira que regresa a Galicia cunha etapa puramente galega, a dezaseis, que unirá Poio con Mos. Concretamente este tramo de La Vuelta terá lugar o día 9 de setembro con saída dende Combarro para pasar polos concello de Pontevedra, Arcade, pazos de Borbén, Ponteareas, Salceda, Tui e Baiona ante de inicar o camiño que os levará ata Mos.
Un percorrido que rematará no Castro de Herville e que ofrecerá aos ciclistas un percorrido ideal para as escapadas e o espectáculo coa ascensión a catro portos de montaña por estradas estreitas e sinuosas durante os 172 kilómetros da xornada. Será tamén unha magnífica ocasión para os afeccionados galegos que terán a oportunidade de ver aos participantes neste mítica carreira.
