Unha campaña “máis frouxa do habitual, con pouco produto –tanto ameixa como berberecho- e menos ingresos para as mariscadoras e para a propia confraría”, así define a patroa maior de Redondela, Nisi Otero este campaña de Nadal na que a escaseza de recursos obrigou a reducir o número de kilos por traballadora e día.
As mariscadoras de Redondela confían sempre en que as datas previas ás celebracións do Nadal sexan de “fartura” ante o incremento do consumo e habitualmente incremento tamén dos prezos, compensando así outras épocas do ano menos produtivas.
Con todo, esta campaña non está sendo todo o positiva que desexaban. Recoñece Nisi Otero que os prezos subiron lixeiramente “pero non todo o que se esperaba porque está chegando moito marisco de fóra do mercado”.
Pon como exemplo o caso da ameixa xapónica “si aumentou o prezo medio, pero tivemos que reducir o número de kilos das capturas respecto do ano pasado porque os bancos marisqueiros non teñen suficiente recursos para aguantar”. Nesta campaña a media está en cinco kilos por mariscadora.
A ameixa fina estívose a vender na lonxa a 51,80 euros, a xapónica a 19 euros e o croque alcanzou unha media de 6,70 euros o kilo. Os prezos aumentaron para o sector pero non o suficiente porque está a entrar moita ameixa de fóra o que prexudica ao marisqueo en xeral”.
Un sector que continúa arrastrando os prexuizos dunha caída do produto con cada vez menos marisco na ría o que limita moito o número de kilos que cada traballadora pode recoller, diminuindo tamén as súas ganancias. A lei da oferta e a demanda debería facer que se incrementase notablemente ese prezo de venta, pero esa regra queda contrarrestada pola chegada de mariscou doutros países.
